2026-чы джыл майны 24-де абустолла тенг болгъан Кирилл бла Мефодий Шыйыхланы эсгериуге аталыб джыл сайын да джаш телю къачлы джюрюш болуб етдю.
Кавказ Минеральные Воды динчиле бла джаш телю, ыйых эмда бютеулей билим берген школланы сохталары, курорт-шахарланы адамлары бла къонакълары Бештау тауну этегинден Успен Вторафон Бештаугор эркиши монастыргъа бардыла.
Къачлы джюрюшге Пятигорск епархияны Джаш телю белюмюню тамадасы Иерей Вдовин Владимир башчылыкъ этди. Анга Кавминвод благочинияны динчилери къуллукъ этдиле.
Тилекден сора Владимир бабас, къошулгъанлагъа Пятигорске бла Черкесскени архиепископу Феофилактны разылыгъын бериб, барына да сыйлы суу бюркдю.
Андан сора монастырда къачлы джюрюшге къошулгъанлагъа бютеулей аш къурадыла.