Мы махуэхэм Бекешевскэ станицэм и курыт еджапIэ №3-м и етхуанэ, еханэ классхэм щеджэхэр щыIащ Кисловодск къалэм и Никольскэ члисэм и «Святыни земли родной» члисэ-тхыдэ музейм.
ЕджакIуэхэмрэ егъэджакIуэхэмрэ яIущIащ Чристэн гимназием и еджакIуэ, музейм и экскурсовод ныбжьыщIэ Носков Фёдор. Ар хьэщIэхэм яхутепсэлыъхьащ дунейм и тхылъ нэхъыщхьэм – Библием, пасэрей тхьэлъэIу къыдэкIыгъуэхэр, щихъ Николай и акафистыр яригъэлъэгъуащ.
Сабийхэм зыхагъэгъуэзащ соборым и тхыдэм, щихъ Гливенкэ Димитрий зрагъэцIыхуащ, музейм щIэлъ хьэпшыпхэм еплъащ, Кавказ Ищхъэрэм и чристэн тхыдэм теухуахэм.
ЕджакIуэхэр едэIуащ экскурсоводым жиIахэм икIи упщIэхэмкIэ зыхуагъэзащ, музейм хуэдэу соборми, еджакIуэхэр дахагъэм щатхьэкъуащ. Сабийхэр члисэм Тхьэ щелъэIуащ, шэху уэздыгъэхэр щагъэуващ, иконостасымрэ росписымрэ еплъащ.
Гимназием и унафэщI щоджэн нэхъыжь Знаменский Иоанн къыбгъэдэкIыу тхьэлъэIу тхылъхэр, IэфIыкIэхэр псоми иратащ.
Станицэм и члисэмрэ школ №3-мрэ жыджэру зэрызэдэлажьэм папщIэ зэхыхьэр къызэрагъэпэщащ.