Даур Аслъэн и цӏэр зезыхьэ щэнхабзэмрэ гъуазджэхэмкӏэ Колледжым щызэӏущӏащ ӏэщӏагъэ зэхуэмыдэхэм ит студентхэр, абыхэм я адэ-анэхэр, спорт зэгухьэныгъэм и лӏыкӏуэхэр, КЪЧР-м щӏыхь зиӏэ и артистхэр, егъэджакӏуэ-психологхэр, дин лэжьакӏуэхэр. Студентхэм къыддэгуэшащ иджырей щӏалэгъуалэр зыӏууэ гугъуехьхэмрэ ахэр зэрызэфӏахыну я нэгу щӏэкӏамрэ.Итӏанэ я зэфӏэкӏымрэ гупсысэхэмкӏэ къыддэгуэшащ Урысейм кикбоксингымкӏэ спортымкӏэ и мастер Талипов Мурат, КЪЧР-м щӏыхь зиӏэ и артист Гагиев Мурат, Черкесск къалэм и ӏимам Семенов Динислам, Черкесск къалэм И Никольскэ члисэ зэхуэхьэсам и щоджэн иерей Гурин Александр, егъэджакӏуэ-психолог Шуковэ Бэллэ, "Чарли" кинотеатрым и лӏыкӏуэ Аджиевэ Ӏэсият сымэ. Щоджэным доклад ищӏащ: "Динымрэ фӏэщхъуныгъэмрэ: къарур щиухым деж щӏэгъэкъуэн къыщылъыхъуэн». Зэӏущӏэ нэужьым студентхэм хьэщӏэхэм упщӏэхэр иратащ.