2026 гъэм накъыгъэм и 9-м Пятигорскрэ Черкесскрэ я архиепископ Феофилакт Железноводск къалэ округым и «Живописный» хьэблэм Кавказскрэ Тенджыз Фӏыцӏэмрэ я щихънагъ Щихъ Игнатий и щӏыхькӏэ члисэр ӏэтауэ щигъэтӏылъащ.
Члисэр псков щӏыкӏэм тету яубзыхуащ, члисэ комплексым хагъэхьащ умэхъын члисэр, тхьэмахуэ школым и пэшхэр, уэзджынэр. Проектыр зытхар Пятигорск епархием и архитектор нэхъыщхьэ икӏи древлехранитель Чечин Олегщ.
Архиерейм хуэлэжьащ Пятигорск епархием И Минераловодскэ округым и дин лэжьакӏуэхэу благочиннэ протоиерей Копач Иоанрэ протодиакон Кубэ Димитрийрэ я пашэу. Архиерейм тхьэ елъэӏуащ къалэм и ӏэтащхьэ Бакулин Евгений, ухуакӏуэ компанием и унафэщӏхэу Куликов Пётррэ Адиханян Мартиросрэ, микрорайоныщӏэм щыпсэухэмрэ щӏыпӏэ члисэхэм екӏуалӏэхэмрэ.
Гуфӏэгъуэм хэхауэ хэтащ «Жэщ дыгъужьхэр»дунейпсо мотоклубым щыщ байкерхэр. Члисэр щагъэтӏылъым тхьэлъэӏур и кӏэм нагъэсащ клубым хэт цӏыху 400 — м папщӏэ «Текӏуэныгъэм и Гъуэгухэр-Кавказ лӏыхъужьхэм я кӏыщ 2026» мотопробегым. Къэжыхьыныр москва мэлыжьыхьым и 25-м щрагъэжьащ. Урысейм, Беларусым, США-м, нэгъуэщӏ къэралхэми я щӏыпӏэ зэмылӏэужьыгъуэхэм къикӏа мотоциклистхэр къалэ зэхуэмыдэхэм щӏыхьащ, Хэку Зауэшхуэм и лӏыхъужьхэр ягъэлъэпӏащ, фэеплъхэм удз гъэгъахэр тралъхьащ, текӏуэныгъэм и Махуэмкӏэ ветеранхэм ехъуэхъуащ. Байкерхэм ягъэтӏылъа члисэм япэ образыр – Зиусхьэным И Зэхъуэкӏыныгъэм и тхьэнапэр-иратащ.
Архипастырым ухуакӏуэхэм фӏыщӏэ яхуищӏащ члисэр ухуэныр къызэрыхалъхьам папщӏэ, байкерхэм дамыгъэ тыгъэм папщӏэ, апхуэдэуи цӏыхухэм ехъуэхъуащ ӏуэхугъуэ гъуэзэджэмкӏэ. "Иджы фи гъунэгъухэм теухуауэ къывэупщӏмэ, Тегушхуауэ жэуап ефт Щихъ Игнатий фыбгъэдэсыну. У вас появится дом Божий, в котором вы сможете молиться, а значит, по - настоящему, верить, надеяться и любить. Жить по-настоящему!», - отметил архиепископ Феофилакт.