2026 гъэм накъыгъэм и 20-м ӏутӏыж гуфӏэгъуэм зэкъуигъэуващ зи узыншагъэм сэкъат иӏэ сабийхэмрэ щӏалэгъуалэмрэ, Ессэнтӏыгу щэнхабзэмкӏэ и унэм и утыкум зыужьыныгъэр къыщызэпамыуду щӏалэхэр. Пятигорскрэ Черкесскрэ я архиепископ Феофилакт и нэфӏ къыщыхуауэ мыбы иджы еплӏанэу Ӏутӏыж инклюзивнэ фестиваль щекӏуэкӏащ.
"Сыту фӏыт а гуфӏэгъуэмкӏэ, а фӏэхъусымкӏэ дызэдэгуэшэфыну. Сыту фӏыт-тӏэ дызэгъусэну. Дызэгъусэну, ӏэмал зэхуэмыдэхэр зиӏэ цӏыхухэм, ди щӏыб ӏэмалхэм тепсэлъыхь къудейхэм. Ауэ гум и зэфӏэкӏышхуэхэмрэ псэм и ӏэмал гъунапкъэншэхэмрэ иӏэу", - къыхигъэщащ архиепископ Феофилакт.
Пятигорск епархием Ӏутӏыж инклюзивнэ фестиваль щрагъэкӏуэкӏыу щӏадзащ 2018 гъэ лъандэрэ. Творческэ форумым и къалэныр акъылым, ӏэпкълъэпкъым хэлъ щхьэхуэныгъэхэм емылъытауэ сабийхэр егъэцӏыхунырщ, ныбжьэгъу зэхуэщӏынырщ.
"Мы Гъэм Ӏутӏыж инклюзивнэ фестивалыр организацэ тӏощӏрэ зым щӏегъу. Цӏыху 200 хэтщ. Ди фестивалым и мурад нэхъыщхьэр щыӏэ щытыкӏэрщ икӏи, дауи, зи узыншагъэм сэкъат иӏэ сабийхэмрэ щӏалэгъуалэмрэ я ӏэмал гъунапкъэншэхэр къэгъэлъэгъуэнырщ», — жиӏащ «Солнечный городок» центрым и унафэщӏ Земцевэ Екатеринэ.
2026 гъэм Ӏутӏыж инклюзивнэ фестивалым Ставропольем и дэнэ щӏыпӏи щыщхэр зэхуишэсащ. Ахэр коррекционнэ школ хэхахэм, реабилитацэ центрхэм я гъэсэнхэрщ, я узыншагъэкӏэ гъунапкъэншэу, щӏэныгъэ щрагъэгъуэт еджапӏэхэмрэ музыкэ колледжымрэ щыщ сабийхэмрэ щӏалэгъуалэмрэщ.
Фестивалым и программэм вокал, хореографие, ӏэмэпсымэ гъэзэщӏэныгъэ хэтщ. Зи узыншагъэм сэкъат иӏэ сабийхэмрэ щӏалэгъуалэмрэ защӏэгъэкъуэнымкӏэ «Солнечный городок» епархие центрым и гъэсэнхэм фестивалым мазэ зыбжанэкӏэ зыхуагъэхьэзыращ икӏи хореографие композицэ ехъулӏэныгъэкӏэ утыку кърахьащ.
Хабзэ зэрыхъуам тету щэнхабзэмкӏэ Уардэунэм и фойем щӏэтӏысхьащ «Солнечный городок»центрым и нэӏэм щӏэтхэм я гъэлъэгъуэныгъэ. Ӏутӏыж джэдыкӏэхэр, ӏэрыкӏхэр, сурэтхэр езы щӏалэхэм ягъэзэщӏащ гъэсакӏуэхэм я унафэм щӏэту.