Мы махуэхэм Пятигорскэ Къуажэм И саровскэ Щихъ Серафим и члисэм тхьэлъэӏукӏэ къыщызэӏуахащ накъыгъэм и 24-м къыщыщӏэдзауэ и 31 пщӏондэ екӏуэкӏ «7Яфест» унагъуэм и Урысейпсо тхьэмахуэр.Тхьэлъэӏу литургие нэужьым члисэм и унафэщӏ протоиерей Дементьев Григорий унагъуэм теухуа тхьэлъэӏу иригъэкӏуэкӏащ. Тхьэлъэӏум папщӏэ екӏуэлӏапӏэм кӏуэхэр, зэщхьэгъусэхэр, сабийхэр тхьэ елъэӏуащ унагъуэхэм мамырыгъэрэ зэгурыӏуэныгъэрэ щаӏэну, сабийхэр гъэсэнымкӏэ, нэчыхьыр гъэбыдэнымкӏэ, адэ-анэхэмрэ сабийхэмрэ яку дэлъ зэхущытыкӏэфӏхэмкӏэ Тхьэм дэӏэпыкъуну.Ди адэ Григорий ягу къигъэкӏыжащ унагъуэр цӏыхур лъагъуныгъэм, шыӏэныгъэм, жэуаплыныгъэм, гъунэгъухэм гулъытэ яхуэщӏыным щыхуеджэ члисэ цӏыкӏуу зэрыщытыр. Тхьэлъэӏу нэужьым щоджэным екӏуэлӏапӏэм кӏуэхэм захуигъэзащ унагъуэ лъапӏэныгъэхэмрэ чристэн унагъуэм и псэкупсэ лъабжьэм мыхьэнэшхуэ зэриӏэмрэ теухуа псалъэкӏэ.