Удз Гъэгъам щекӏуэкӏащ апостол пэлъытэ къуэш лъапӏэхэу Кириллрэ Мефодийрэ - славян азбукэр зыщӏахэмрэ узэщӏакӏуэ нэхъ ин дыдэхэмрэ-я фэеплъ Махуэм хуэгъэпса «Славян щэнхабзэм и Къежьапӏэ» концертыр. Махуэшхуэ зэхыхьэм хэтащ щӏыналъэм и Думэм и депутат Хенкинэ Любовь, Къалэм и Думэм хабзэмкӏэ и комитет зэпытым и депутат Мартиросян Артур, Пятигорск округым и Чристэн члисэхэм я благочиннэ, протоиерей Симанович Олег сымэ.
Псалъэ гуапэкӏэ къэпсэлъащ Пятигорск къалэм и Думэм и унафэщӏ Самольянец Дарье.
Езыгъэкӏуэкӏхэм цӏыхухэм ягу къагъэкӏыжащ славян тхыбзэр зэфӏэувэнымкӏэ зэкъуэшхэм яӏэ къалэн нэхъыщхьэмрэ славян лъэпкъ псоми я дежкӏэ а махуэшхуэм мыхьэнэ куу зэриӏэмрэ. Зэхыхьэм и хьэщӏэхэр макъамэм едаӏуэ къудейтэкъым, атӏэ я щӏэныгъэри къапщытащ: щалъхуа тхыбзэм и тхыдэм теухуа викторинэ удэзыхьэхым гукъыдэж зиӏэ псори эрудицэкӏэ къилыдыкӏащ.
Концерт программэ гъэщӏэгъуэным зыкъыщагъэлъэгъуащ сабий творчествэмкӏэ Уардэунэм, Миргородскэм и цӏэр зезыхьэ Сабий музыкэ школ №2-м, Чайкинэ Людмилэ и уэрэджыӏакӏуэ школым, къалэм и егъэджэныгъэ ӏуэхущӏапӏэхэм я творческэ гупхэмрэ гъэсэнхэмрэ, Дементьев а.
Цӏыхубэм тыгъэ нэс яхуэхъуащ Ставрополь опереттэмкӏэ и къэрал театрым и артистхэм я зыкъэгъэлъэгъуэныгъэр. Макъамэ марафоным и кӏэух аккорд хъуащ цӏыхубэ творчествэмкӏэ «Добровидение» Урысейпсо фестивалым и дипломантхэр - «Берендеи»уэрэджыӏакӏуэ-ӏэмэпсымэ гупыр.