2026 гъэм мэкъуауэгъуэм и 28-м Иухащ Пятигорскрэ Черкесскрэ я архиепископ Феофилакт грант дэӏэпыкъуныгъэ зрата «Дети плюс Церковь» проектыр.
Проектым и гъэсэнхэр Тхьэм хуэгъэза усэхэм къеджащ, Хэкум теухуа уэрэдхэмрэ нэгъуэщӏ тхыгъэхэмрэ ягъэзэщӏащ. И кӏэм Налшык члисэ округым и благочиннэ протоиерей Бобылев Валентин хэтхэм дипломхэр яритащ, проектыр гъэзэщӏэнымкӏэ дэӏэпыкъуэгъу хъуа псоми фӏыщӏэ тхылъхэр яритащ.
Мазитӏым къриубыдэу зи ныбжьыр илъэси 5-м къыщыщӏэдзауэ 14-м нэс сабийхэм Тхьэм и Унафэр яджащ, инджылым къыщыхъу-къыщыщӏэхэм къытращӏыкӏа сурэтхэр гъэлъэгъуэныгъэм къыхузэрагъэпэщащ, мироносиц фызхэм я Махуэм ирихьэлӏэу концерт ягъэхьэзыращ, фащэхэр ядри, театр гъэлъэгъуэныгъэр утыку кърахьащ. Дерсхэм папщӏэ макъамэ, нэху ӏэмэпсымэхэри къащэхуащ.
Кӏэух концертыр ягъэхьэзыращ налшык къалэм и апостол пэлъытэ Магдалинэ Марие и цӏэр зезыхьэ члисэм и тхьэмахуэ гупым и гъэсэнхэм. Абыхэм аргуэру къагъэлъэгъуащ сабий зэчийхэр Тхьэм и щӏыхькӏэ зэрылэжьэфынур.