Форумым и ӏуэхугъуэ нэхъыщхьэ хъуащ Успенскэ Второафонскэ Бештаугорскэ цӏыхухъу къулъшырыфым и гъэмахуэ члисэм жэщ Тхьэлъэӏу литургиер. Тхьэлъэӏум пашэ щыхъуащ игумен Михаил (Гичко). Абы къыдэлэжьащ Пятигорск епархием И Щӏалэгъуалэ къудамэм и унафэщӏ иерей Вдовин Владимиррэ благочиннэхэм щӏалэгъуалэм ядэлэжьэнымкӏэ я дэӏэпыкъуэгъухэмрэ. Тхьэлъэӏу уэрэдхэр игъэзэщӏащ «Pente Oros»ансамблым.
Форумым и зэманым хэтахэр яӏущӏащ кърагъэблэгъа ӏэщӏагъэлӏхэм. Философие щӏэныгъэхэм я Кандидат, Пятигорск къэрал университетым и доцент Суховская Дарье къэпсэлъащ «Феномен радости в русском православном искусстве: философский и богословский смыс образ»лекцэр.
Фэеплъым зегъэужьынымкӏэ ӏэщӏагъэлӏ Бондаренкэ Аннэ тепсэлъыхьащ хъыбархэмрэ цӏэхэмрэ ягу зэрыраубыдэ техникэхэм, итӏанэ мнемотехникэмкӏэ практикэ дерс иригъэкӏуэкӏащ. А ӏэмалхэмкӏэ хэтхэм Зрагъэщӏащ Тхьэм и унафэхэр, апостол пщыкӏутӏым я цӏэхэр, члисэ славян псалъэ зыбжанэ.
Дин щӏэныгъэм и Кандидат, Спасскэ кафедральнэ члисэ зэхуэхьэсам и клирик иерей Зегнун Владимир и зэӏущӏэр триухуащ гуфӏэгъуэр библие и лъэныкъуэкӏэ къыбгурыӏуэным. Абы къиӏуэтэжащ чристэн Диным И гъащӏэм Тхыгъэ Лъапӏэм и нэхум гуфӏэгъуэм щиӏэ мыхьэнэр зыхуэдэр.
Форумыр иухащ, гукъэкӏыжыфӏхэр, щӏэныгъэщӏэхэр, зэрыцӏыхуныгъэхэр, псэ зыӏут зэпсэлъэныгъэм и зэфӏэкӏыр хэтхэм къахуигъанэри.