Росгвардием фӏэщхъуныгъэ зиӏэ дзэ къулыкъущӏэхэм ядэлэжьэнымкӏэ и округ Нэхъыщхьэм и унафэщӏым и дэӏэпыкъуэгъу Богдасаров Романрэ росгвардием и Кавказ Ищхъэрэ округым и унафэщӏым фӏэщхъуныгъэ зиӏэ дзэ къулыкъущӏэхэм ядэлэжьэнымкӏэ и дэӏэпыкъуэгъу Протоиерей Филиппов Андрейрэ лэжьыгъэ ӏуэхукӏэ яӏущӏащ.
Дин лэжьакӏуэхэр тепсэлъыхьащ Урыс Чристэн Члисэм и дзэ дин лэжьакӏуэхэр Росгвардием и унафэщӏхэмрэ цӏыхухэмрэ зэрадэлажьэм, дзэм къулыкъу щызыщӏэхэр псэкӏэ гъэшхэным ехьэлӏа ӏуэхухэм.
Зэӏущӏэм хэтахэм гулъытэ хэха хуащӏащ Урыс Чристэн Члисэм и дзэ дин лэжьакӏуэхэр зэрызэхуахьэс жыпхъэм иту екӏуэкӏыну I Урысейпсо щӏэныгъэ-практикэ конференцыр гъэхьэзырыным. Абы хэтынущ урысей Федерацэм Ӏэщэкӏэ зэщӏэузэда и къарухэмрэ Урысей Федерацэм и лъэпкъ гвардием и дзэхэмрэ къулыкъу щызыщӏэхэр зыгъэшхэ дин лэжьакӏуэхэр.
Зэӏущӏэр щиухым иерей Богдасаров Роман протоиерей Филиппов Андрей иритащ Урысей Федерацэм и лъэпкъ гвардием и дзэхэм я жьауэм щӏэт — апостол пэлъытэ пщышхуэ Владимир и тхьэнапэхэр. Образхэр титан бронепластинхэм тету щӏащ.
Тхьэнапэхэр Иратынущ Зауэ щекӏуэкӏ щӏыпӏэм къулыкъу щызыщӏэ Росгвардием къулыкъу щызыщӏэхэм. Ахэр зауэлӏхэм псэкупсэ дэӏэпыкъуныгъэ, тхьэлъэӏу ущие яхуэхъунущ.
Муслъымэн дзэ къулыкъущӏэхэм папщӏэ ислъам дамыгъэхэр зытет бронепластинхэри зэӏэпахащ.