Новопавловск къалэм Тхьэм и Анэм и Владимирскэ тхьэнапэм и члисэм и унафэщӏ иерей Переверзев Роман школ № 13-м щыӏащ. Щоджэным ебланэ, ебгъуанэ классхэм щӏэсхэм зэпсэлъэныгъищ ядригъэкӏуэкӏащ, Ӏэтащхьэ Иоанн Предтечи Пыупщӏыным, акъылыфӏагъэм и Махуэм теухуауэ.
Ди адэ Роман школакӏуэхэм епсэлъащ фадэмрэ тутын ефэнымрэ я зэраным, электрон тутынхэри яхэту. Смартфонхэмрэ компьютер джэгукӏэхэмрэ егъэлеяуэ дихьэхынкӏэ шынагъуэ зэрыщыӏэми гу лъитащ икӏи псалъэ мыхъумыщӏэм и зэраным тепсэлъыхьащ.
Щоджэным щӏалэхэр къыхуриджащ Тхьэмрэ гъунэгъухэмрэ фӏыуэ ялъагъуну, гуращэхэм пэщӏэтыну, унагъуэ лъапӏэныгъэхэр яхъумэну, адэ-анэхэмрэ егъэджакӏуэхэмрэ пщӏэ хуащӏыну.
Псалъэмакъыр щиухым ди адэ Роман школакӏуэхэм ехъуэхъуащ еджэнымкӏэ, ӏуэхуфӏхэмкӏэ Тхьэм дэӏэпыкъуну.