Кисловодск и Чристэн Никольскэ классикэ гимназием щекӏуэкӏащ кӏэух педагогикэ совет.
Зэӏущӏэм и пэщӏэдзэм гимназием и унафэщӏ протоиерей Знаменский Иоанн егъэджакӏуэхэм ехъуэхъуащ япэ егъэджэныгъэ ӏыхьэ плӏанэр зэриухамкӏэ. Абы гимназиер къызэзыгъэпэща Пятигорскрэ Черкесскрэ я архиепископ Феофилакт фӏыщӏэ хуищӏащ еджапӏэм зэпымыууэ зэрыхуэсакъам папщӏэ.
Ди адэ Иуан егъэджакӏуэхэми фӏыщӏэ яхуищӏащ Покров жармыкӏэр гъэхьэзырынымрэ егъэкӏуэкӏынымрэ ехьэлӏа лэжьыгъэхэм папщӏэ. Щоджэным къыхигъэщащ егъэджакӏуэм и фӏыгъуэ нэхъыщхьэр сабийхэм яхуиӏэ лъагъуныгъэр зэрыарар икӏи егъэджакӏуэхэр къыхуриджащ къыдэкӏуэтей щӏэблэр егъэджэнымрэ гъэсэнымрэ я ӏуэхукӏэ ирагъэфӏэкӏуэну.
Егъэджэныгъэ-гъэсэныгъэ лэжьыгъэмкӏэ унафэщӏым и къуэдзэ Некрасовэ Наталье тепсэлъыхьащ япэ ӏыхьэ плӏанэм еджэныгъэм кърикӏуахэм. Абы гулъытэ хэха хуищӏащ еджэнымкӏэ гугъу ехь еджакӏуэхэм ядэлэжьэным.
Гъэсэныгъэмкӏэ унафэщӏым и къуэдзэ Синявская Татьянэ япэ ӏыхьэ плӏанэм гъэсэныгъэ лэжьыгъэм кърикӏуахэр зэхилъхьэжри, мыгувэу я мурадхэм тепсэлъыхьащ.
Педагогикэ советым хэтхэри тепсэлъыхьащ еджакӏуэхэм я ӏуэху зехьэкӏэм, гимназием дисциплинэр щыгъэбыдэным ехьэлӏа ӏуэхухэм.
Нэхъапэӏуэкӏэ а махуэм егъэджакӏуэхэмрэ еджакӏуэхэмрэ Тхьэлъэӏу литургием папщӏэ тхьэ елъэӏурт икӏи Зиусхьэным фӏыщӏэ хуащӏырт япэ егъэджэныгъэ ӏыхьэ плӏанэр зэриухам папщӏэ.