Марухэ къуажэм щыпсэухэм Ягъэлъэпӏащ Тхьэм и Анэм и Къэзан тхьэнапэм и члисэм и тахътэ махуэшхуэр.
А махуэм къуажэм хабзэ хъуауэ къокӏуэ хьэжыщӏ куэд — Марухэ къыщалъхуахэр, абыхэм я бынхэр, я къуэрылъху-пхъурылъхухэр. Члисэр къуажэ кхъэм и щӏыналъэм щыӏэщ, абы къыхэкӏыуи куэдым я дежкӏэ тахътэ махуэшхуэр дунейм ехыжа я ӏыхьлыхэмрэ благъэхэмрэ ятеухуа тхьэлъэӏу фэеплъ махуэ мэхъу.
Тхьэлъэӏу литургие иригъэкӏуэкӏащ Къэрэшей-Шэрджэс ипщэ округым и благочиннэ иерей Якушев Александр. Абы хуэлэжьащ члисэм и унафэщӏ иеромонах Александр (Емельянов), Кисловодск къалэм и Пантелеимоновскэ члисэм и унафэщӏ протоиерей Акименкэ Сергий, Иноземцевэ къуажэм и Успенскэ члисэм и унафэщӏ иерей Пытайло Иоанн сымэ.
Литургие нэужьым дин-лэжьакӏуэхэмрэ фӏэщхъуныгъэ зиӏэхэмрэ жор зекӏуапӏэ ирагъэкӏуэкӏащ. Итӏанэ къуажэдэсхэмрэ хьэжыщӏ кӏуэхэмрэ псоми я зэхуэдэ псапащӏэ шхэгъуэм ирагъэблэгъащ.