Налшык къалэм апостол пэлъытэ Магдалинэ Марие и цӏэр зезыхьэ и члисэ зэхуэхьэсам и библиотекэм щекӏуэкӏащ «Семья в приходе»епархие проектым ипкъ иткӏэ щэкӏуэгъуэ зэӏущӏэ.
Екӏуэлӏапӏэ тхьэмахуэ гупым и бынхэмрэ абыхэм я адэ-анэхэмрэ зэгъусэу еплъащ Тхьэм и Анэм и Къэзан тхьэнапэм теухуа «Зэӏущӏэ» мультипликацэ фильмым. Еплъа нэужь, иерей Агеев Николай къызэхуэсахэм яхутепсэлъыхьащ щэкӏуэгъуэм и 4-р гъэлъэпӏэным и псэкупсэ мыхьэнэмрэ цӏыхубэ зэкъуэтыныгъэм и мыхьэнэмрэ.
Гуп нэхъыщӏэм щеджэхэр усэхэм къеджащ, гуп нэхъыжьым и гъэсэнхэмрэ егъэджакӏуэхэмрэ я унагъуэхэм я хъыбархэмкӏэ зэдэгуэшащ. А рассказхэм я щапхъэкӏэ зэӏущӏэм хэтахэм къалъэгъуащ лъэпкъымрэ динымрэ зэрызэщхьэщыкӏыр пщӏэ зэхуэщӏыным, зэгъунэгъуфӏым, зэкъуэтыныгъэм лъэпощхьэпо зэрыхуэмыхъур.
Зэӏущӏэр сабийхэмрэ балигъхэмрэ сэбэп яхуэхъуащ щӏэр къащӏэнымкӏэ, унагъуэ зэфӏэкӏымкӏэ зэдэгуэшэнымкӏэ, «Семья в приходе»проектым хэтхэр зэкъуэзыгъэувэ лъагъуныгъэмрэ зэгурыӏуэныгъэмрэ я щытыкӏэ хуабэр аргуэру зыхащӏэнымкӏэ.