Зеленчукскэ станицэм и Петропавловскэ члисэм и «Путь к свету и добру» щӏалэгъуалэ центрым и жыджэракӏуэхэр Черкесск къалэм и Никольскэ члисэ зэхуэхьэсам щыӏащ, «Соборянхэр»щӏалэгъуалэ зэщӏэхъееныгъэм хэтхэм щаӏущӏащ.
Зэӏущӏэр Тхьэм и литургиемкӏэ къыщӏидзащ, щӏалэгъуалэм Мэсихь И Щэху Лъапӏэхэр зэрахьэу, хэтауэ. Тхьэлъэӏу нэужьым Никольскэ члисэ зэхуэхьэсам и клирик иерей Гурин Александр хьэщӏэхэм папщӏэ члисэм зыщригъэплъыхьащ. Зэӏущӏэм хэтахэр уэзджынэм дэкӏуеящ, хуейхэм уэзджынэ макъым зрапщытыфащ, «Николин уголок» социальнэ пунктми щыӏащ икӏи щӏэуфапӏэ сетхэр зэӏущэным и ӏуэхум зыщагъэгъуэзащ.
Итӏанэ щӏалэгъуалэр Щыӏащ Члисэмрэ къэзакъхэмрэ я тхыдэмкӏэ музейм. Абыхэм папщӏэ зыплъыхьакӏуэ ирагъэкӏуэкӏащ «Царьград» щӏыналъэ къудамэм и унафэщӏ Струговцов Денисрэ иерей Гурин Александррэ. Хьэщӏэхэм зыщагъэгъуэзащ дзэ операцэ хэхам хэт лӏыхъужьхэм ятеухуа гъэлъэгъуэныгъэм, КЪАЛЪЭГЪУАЩ СВО-м хэтхэм я щхьэ хьэпшыпхэмрэ къуентхъхэмрэ. Апхуэдэу Абыхэм хуаӏуэтащ Кавказ Ищхъэрэмрэ Псыжь къэзакъыдзэмрэ Чыристан Диным и тхыдэм. Гъэлъэгъуэныгъэм и ӏыхьэ щхьэхуэм хьэщӏэхэр щигъэгъуэзащ къэзакъхэмрэ бгырысхэмрэ я хабзэ щыгъынхэмрэ псэукӏэм и хьэпшыпхэмрэ.
Экскурсие программэм иужькӏэ псоми я зэхуэдэ шхын екӏуэкӏащ, итӏанэ тхьэмахуэ школым и пэшым щӏалэгъуалэ зэгухьэныгъэхэм хэтхэр щызэрыцӏыхуащ, щызэпсэлъащ.
Зеленчукскэ станицэм и Петропавловскэ члисэм и Клирик иерей Гурин Алексей Урысейм и тхыдэм щыщ щапхъэхэмкӏэ щӏалэгъуалэм яхутепсэлъыхьащ зэкъуэтыныгъэм мыхьэнэшхуэ зэриӏэм. Щӏалэгъуалэ зэгухьэныгъитӏым я лӏыкӏуэхэм я зэфӏэкӏхэмкӏэ зэхъуэжащ, упщӏэхэр зэхуащӏащ, адэкӏи зэрызэдэлэжьэну мурадхэри яубзыхуащ.
Зэӏущӏэм и фэеплъу Хэтхэм тыгъэ хуащӏащ Къэрэшей-Шэрджэсым тхьэшынагъэм И псэбыдэ протоиерей Федосов Иоанн и гъащӏэм теухуа «Старатель вечности» тхылъыр.
Зэӏущӏэр фэеплъ сурэт зэхуэдэкӏэ иухащ.