9-чу майда, Хорламны Кюнюнде, Черкесскеде Покров клисадан эски шахар къабырлагъа дери адетдеча къачлы джюрюш болуб етдю.
Джюрюш башланырны аллы бла Черкесск благочинияны клисаларыны динчилери бла джамагъаты Раббий Аллахха разылыкъ дуа этдиле. Андан сора къачлы джюрюшге къошулгъанла, клисаны алтарыны къатында асыралгъан уллу Ата джурт къазауатны ветераны протоиерей Афонин Василийни къабырыны къатында тохтадыла. Былайда дин къуллукъчула Къарачай-Черкесияны сюрюучюлерини — Ата джуртну къоруулагъанланы юслеринден джаназы дуа этдиле. Протоиерей Афонин Василийни, протоиерей Пономарев Николайны, протодиакон Гамиев Василийни, аны кибик энчи аскер операцияны кезюуюнде елген аскерчилени юсюнден да дуа этдиле.
Андан сора къачлы джюрюш пасха дуала джырлаб эски шахар къабырлагъа атланды. Мемориалны къатында Уллу ата джурт къазауатны джылларында Черкесскени госпиталларында ауушхан аскерчиле асыралгъан джерде дин къуллукъчула джаназы дуа этдиле.
Дуа бошалгъандан сора Черкесск округну благочинныйи протоией Нартов Александр, ата джуртну елген джакъчыларыны эсге тюшюрюрге хар адамны борчу болгъанын эсгертди.