КЪБР-ни Урван районуну Администрациясыны социал сетьледе официал бетлери билдиргеннге кёре, 2026-чы джыл майны 21-де Пятигорске бла Черкесскени Архиепископу Феофилакт, муниципал районну тёбеннги администрациясыны башчысы Тлежуков Хазрит бла ишчи тюбешиу бардыргъанды. Тюбешиуге Пятигорск епархияны Нальчик округуну благочинныйи протоией Бобылев Валентин бла Нарткала шахарны Никольский клисасыны тамадасы Доронченко сергей да къошулгъан эдиле.
Сюзюуню баш темасы — Нарткъала шахар элде джангы клиса ишлеу. Тюбешиуню кезюуюнде къошулгъанла джер участокну сайлауну сорууларын, къурулушну башланыууну перспективалы болджалларын, аны кибик боллукъ объектни проект салыу бла келишдириуню керекли этапларын сюздюле. Клисагъа джюрюген джамагъатны излемлерине эмда районда тин инфраструктураны айныууна энчи эс белдюле.
Хазрит Хабидович джаш телюню тин юретиуде джангы клиса ишлеуню, юйдеги хазналаны бегитиуню эмда культура адетлени сакълауну магъаналылыгъын чертди.
Тюбешиуню эсеби бла администрация бла епархияны арасында къатындагъы территорияны ишлеу бла джарашдырыуну ишлерини юсюнден мындан ары да иш джюрютюуню юсюнден келишиуле этилгендиле.