2026-чы джыл майны 22-де славян джазма бла культураны Кюнюню аллы бла Зеленчук стансени школларында Абустолла тенг шыйых Кирилл бла Мефодийни эсгериуге аталгъан тюбешиуле болуб етдюле.
5-чи номерли школда «къайын терекден китабха дери»деген илму-практика конференция болуб етдю. Анга Зеленчук стансени великомученик Тирон Феодорну клисасыны тамадасы иерей Касмицкий Алексей, Зеленчук районну администрациясыны билим бериу управлениясыны келечилери бла районну школларыны педагоглары да къошулгъан эдиле. Дин къуллукъчу джыйылгъанланы байрам бла алгъышлаб, Кирилл бла Мефодий Шыйыхланы дин байлыкъларын аяулу сакъларгъа кереклисин да эсгертди.
Конференциягъа къошулгъанла славян джазма бла культураны байрамыны тарихи бла адетлерини юсюнден докладла бердиле. Миссионер акцияны кезюуюнде Алексей Бабас, Синод миссионер бёлюм Шыйых Кирилл бла Мефодий байрамгъа хазырлагъан материалланы къошулгъанлагъа юлешди.
Конференциядан сора къонакълагъа концерт хазырладыла. Кесини усталыгъын Зеленчук стансени 5-чи номерли школуну къашыкъчыларыны ансамбли кергюздю.
Ол кюн Огъунакъ В.в. Бреславцев атлы 3-чю номерли школда «Славян кёб бетли дуния»деген билим сагъат ётдю. Тюбешиуню Зеленчук ара китабхананы къуллукъчулары, биринчи абустолла Петр бла Павел клисаны штат динчиси иерей Гурин Алексей бла бирге хазырладыла.
Школчулагъа байрамны тарихинден эмда аны орус культурагъа магъанасындан хапар айтдыла. Къатышханлагъа славян алфавитни къурагъанла Кирилл бла Мефодий шыйыхланы юслеринден презентация да кергюздюле.