Пятигорске бла Черкесск епархияны 15 джыллыгъына аталгъан Пятигорске бла Черкесскени архиепископу Феофилактны грант болушлугъу бла джангы окъуу проект-«Онлайн Воскресска»платформа ишлеб башлагъанды. Проектни башчысы-Пятигорскени Спасс соборуну штат динчиси иерей Копач Петрду.
Платформада биринчи курс барды — 7 джылдан 15 джылгъа дери сабийлеге «Аллахны Закону». Ол тёрт тематика бёлюмге бирикген 16 дерсни къошады: дуния джаратылыудан эмда Эски Кесаматны ишлеринден Башлаб Къутхарыучуну джердеги джашаууна эмда бусагъатдагъы Клисаны джашаууна дери. Дерслени тёрт устаз бардырады. Хар дерс къысха видеороликден эмда материалны бегитир ючюн гитче тестден къуралады. Бир дерсни ётерге 15 минутдан кёп керек тюйюлдю, аны себепли курс юйюр къараугъа келишеди. Проектни къурагъанла платформаны кенгертирге умут этедиле. Мындан ары былайда уллулагъа «Закон Божий» деген курс, аны кибик православ динни тамалларыны юсюнден башха дисциплинала чыгъарыкъдыла. » Онлайн Воскресска " сабийлеге эмда ата-аналагъа, джашагъан джерлерине къарамай, православ динни тамалларын ангылашыныулу эмда бусагъатдагъы формада окъургъа болушурукъду, джууукъда ыйых школ болмаса да.