Форумну баш иши Успен Вторафон Бештаугор эркиши монастырны джайгъы клисасында Кечеги Дин литургия болду. Дин къуллукъгъа игумен Михаил (Гичко) башчылыкъ этди. Анга Пятигорск епархияны Джаш телю белюмюню тамадасы иерей Вдовин Владимир эмда благочинныйлени джаш телю бла ишлеуде болушлукъчулары къуллукъ этдиле. Дин джырланы «Pente Oros»ансамбль джырлады.
Форумну кезиуюнде къатышханла чакъырылгъан специалистле бла тюбешгендиле. Философия илмуланы кандидаты, Пятигорскени кърал университетини доценти Суховская Дарья, «Феномен радости в русском православном искусстве: философский и богословский смысл образа», деген лекция бла сёлешди.
Эсни айнытыу жаны бла специалист Анна Бондаренко информацияны бла атланы эсде тутуу техникаланы юслеринден айтханды, ызы бла мнемотехника жаны бла практика дерс бардыргъанды. Бу амалланы болушлугъу бла къошулгъанла Аллахны парызларын, онеки абыстолну атларын эмда талай клиса славян сёзлени юреннгендиле.
Дин илмуну кандидаты, Спасс кафедрал соборну клириги иерей Зегнун Владимир кесини тюбешиуюн инджилде болгъан къууанчны ангылаугъа атагъанды. Ол христианлыны Джашауунда сыйлы Китабны джарыгъында къууанчны къаллай магъанасы болгъанын айтды.
Форум бошалды, къошулгъанлагъа ашхы эсгериуле, джангы билимле, танышыула эмда джашау байламлыкъны сынамын къоюб.