Росгвардияны Ара округуну командирини ийнаннган аскерчиле бла ишлеуде болушчусу Иерей Богдасаров Роман бла Росгвардияны Шимал Кавказ округуну командирини дин аскерчиле бла ишлеуде болушчусу протоиерей Филиппов Андрей ишчи тюбешиу болуб етдю.
Дин къуллукъчула Орус Православ Клисаны аскер динчилерини Росгвардияны командованиеси бла энчи составы бла байламлылыкъларын, аны кибик аскер къуллукъчуланы дин джаны бла айнытыуну сорууларын сюздюле.
Тюбешиуге къошулгъанла, Орус Православ Клисаны аскер динчилерини джыйылыуларыны форматында бардырыллыкъ I Бютеуэресей илму-практика конференцияны хазырлаугъа энчи эс белдюле. Анга Эресей Федерацияны Сауутлу кючлерини эмда Эресей Федерацияны миллет гвардиясыны аскерлерини аскер къуллукъчуларын айнытхан дин къуллукъчула къошуллукъдула.
Тюбешиуню аягъында Иерей Богдасаров Роман протоиерей Филиппов Андрей, Эресей Федерацияны миллет гвардиясыны аскерлерини джакъчысы — абустолгъа тенг болгъан Уллу бий Владимирни иконаларын берди. Суратла титан бронепластинледе этилгендиле.
Иконаланы росгвардияны аскер къуллукъчуларына берликдиле, ала уруш баргъан зонада къуллукъ этедиле. Ала аскерчилеге ниет болушлукъ эм тилек насийхат боллукъдула.
Муслийман аскерчилеге ислам символикасы болгъан бронепластинлени да бергендиле.