Кисловодскну Православ Никольский классика гимназиясында ахыр педагогика совет болуб етдю.
Тюбешиуню аллында гимназияны директору протоией Знаменский Иоанн, устазланы биринчи окъуу четвертни бошагъанлары бла алгъышлады. Ол гимназияны къурагъан Пятигорске бла Черкесскени архиепископу Феофилактха окъуу заведениягъа таймаздан къайгъыргъаны ючюн разылыгъын билдирди.
Иоанн ата Да Устазлагъа Покров ярмарканы хазырлау бла бардырыуну юсюнден этген ишлери ючюн разылыгъын билдирди. Дин къуллукъчу педагогну баш игилиги сабийлеге сюймекликди деб чертди эмда устазланы ёсюб келген тёлюню билим бериу бла юретиу ишде игилендирирге чакъырды.
Директорну окъуу-юретиу ишден орунбасары Некрасова Наталья, биринчи четвертни джетишимлерини эсеблеринден хапар айтды. Ол окъууда къыйынлыкълары болгъан окъуучула бла ишлерге энчи эс бургъанды.
Директорну юретиу ишден орунбасары Синявская Татьяна, биринчи четвертни ичинде юретиу ишни эсеблерин чыгъарыб, джууукъ заманнга планларыны юсюнден хапар айтды.
Педагогика советни къатышыучулары да окъуучуланы къылыкъларыны эм гимназияда низамны кючлендириуню сорууларын сюзгендиле.
Ол кюнню аллында устазла бла окъуучула Аллахны литургиясы ючюн тилек этиб, Биринчи окъуу четвертни бошагъанлары ючюн Раббийге шукур этдиле.