Сторожева стансени Никольский клисасында стансе къазакъ джамагъатны юч джангы члени ант этдиле.
Аланы арасында къазакъ джаш тёлюню «Надежинский»деген аскер-патриотлукъ клубуну сохтасыды. Аны къазакъ джамагъатха кириую тёлюлени байламлылыкъларыны эмда къазакъ адетлени сакълауну юлгюсю болгъанды.
Церемония Никольский клисаны тамадасы иерей Кравченко Андрей разылыгъы бла бардырылды. Дин къуллукъчу къазакълагъа насийхат сёз бла тилек этди.
Сторожев стансе къазакъ джамагъатны атаманы Курков Николай антны текстин окъуду. Джангы къазакъла Ата джуртларына кертиликни сакъларгъа, Къобан бла Россияны джакъларгъа, къазакъ адетлени сакъларгъа эмда нёгерлерин джакъларгъа ант этгендиле.
Ахырында къазакълагъа къартланы советини председатели Резников Александр сёлешди. Ол адетлени сакълау, тамадалагъа сый бериу эмда къазакъ уставны сакълау магъаналылыгъын чертди.