Россейни «Билим» обществосуну проектини чеклеринде Таджикистанны бла Узбекистанны гражданлары бла тюбешиу болгъанды. Анга 35-ден артыкъ адам къатышханды.
Джыйылгъанланы аллында Шимал Кавказ кърал академияны къоркъуусузлукъ бла терроризмни идеологиясына къаршчы кюрешни проректору Кохов Азамат, Черкесск шахарны Никольский соборуну клириги Гурин иерей Эмда Къарачай-Черкесияны соборлу межгитини имамы Семенланы Динислам селешдиле.
Тюбешиуге къошулгъанла Кёб миллетли Эресейни адетлерини, бир-бирине сый бериуню эмда джамагъатда джашауну джорукъларыны юслеринден селешдиле.
"Россия-уллу кърал эмда кёб миллетли къралды, анда 190-дан артыкъ миллетни келечилери джашайдыла. Къарачай-Черкесия-тарихде тюрлю-тюрлю миллетлери бла динлери болгъан адамла джарашыулукъда, келишиуде джашагъан энчи регионду. Бери ишге келгенле, джамагъатха терен адетлери, бир-бирлерине сыйлары бла тюшгенлерин ангыларгъа керекдиле. Бизни борчубуз - алагъа юйренирге болушууду, мында не багъалагъанларын, не затха жарамазгъа санагъанларын ангылатыуду», — дегенди Россейни «Билим» обществосуну Къарачай-Черкес Республикада филиалыны директору Болатов Артур.