Зеленчук стансени Петропавлов клисасыны «Путь к свету и добру» деген джаш телю аралыгъыны активистлери Черкесск шахарны Никольский соборуна барыб, анда «Соборянла»деген джаш телю къозгъалыугъа къошулгъанла бла тюбешдиле.
Тюбешиу Аллахны литургиясындан башланнганды, аны ызындан джаш адамла масихни Сыйлы Таиналарына тобагъа къайтыб къошулгъандыла. Дин къуллукъдан сора Никольский соборну клириги иерей Гурин Александр, къонакълагъа клисада экскурсия бардырды. Тюбешиуге къошулгъанла къонгурау къалагъа чыкъдыла, анда сюйгенле къонгурау тауушда кеслерин сынаялдыла, аны кибик «Николин уголок» деген социал пунктха да барыб, маскировка сетьлени эшиу процесс бла да шагърей болдула.
Андан сора джаш адамла Клисаны эмда къазакъланы тарих музейинде болдула. Алагъа экскурсияны «Царьград» деген регионал бёлюмню башчысы Струговцов Денис бла иерей Гурин Александр бардыргъандыла. Къонакъла энчи аскер операцияны жигитлерине аталгъан экспозиция бла шагъырей болгъандыла, СВО-гъа къатышханланы энчи затларын бла трофейлени кёргендиле. Аны кибик Алагъа Шимал Кавказда Православияны эмда Къобан къазакъ аскерни тарихинден да хапар айтдыла. Экспозицияны бир-бир кесеги келгенлени къазакъла бла таулуланы адетдеги кийимлери бла турмуш кереклери бла шагърей этди.
Экскурсия программадан сора битеулю аш болду, ызы бла ыйых школну мекямында жаш тёлю биригиулеге къатышханланы танышыулары бла байламлыкълары ётдю.
Зеленчук стансени Петропавлов клисасыны клириги иерей Гурин Алексей, Эресейни тарихинден юлгюле бла джаш адамлагъа бирликни магъаналыгъындан хапар айтды. Эки жаш тёлю биригиуню келечилери иш сынамларын алышхандыла, бир бирге соруула бергендиле эм андан ары бирге ишлеуню планларын белгилегендиле.
Тюбешиуню эсгериуге къошулгъанлагъа, Къарачай-Черкесияны дин ахлулугъуну джигити протоиерей Федосов Иоанны джашаууна аталгъан «Старатель вечности» деген китабны бердиле.
Тюбешиу эсде къалырча битеу сурат бла бошалды.